السلام عليكم ,
مدخل ,,
حمام يا للي فوق الاغصان غنيت
........ ذكرتني وقت عزيز مضالي ...
ذكرتني اللي لا دخل نور البيت
........ حسبي عليك الله مالك ومالي
عقبه وانا لانيب حي ولا ميت
......... ومعالجٍ شهرين واربع ليالي
عز الله اني عقبهم ماتهنيت
......... ومحدٍ من الخلان غيره صفالي
يازين في قلبي حكمت وتوليت
.......... ارفق دخيلك ياحياتي بحالي
من جديد ماكتبت أرجو أن تنال إعجابكم ,,
البارحه وش فيك ياجفن عييت
.........ياجفن مامليت سهر الليالي !
ياجفن انا من حالتي معك مليت
.........ياجفن يكفي سهر شف لك بدالي
قد قالو ان الحي ابقا من الميت
.........وكلش يزول إللا السهر مايزالي
لاتحسب اني من غرامه تشافيت
..........مريض ليت الله يلطف بحالي
بس اتسلى بالغنا والتناهيت
..........وعزي لغالي لافقد شوف غالي
مقسوم والمقسوم ماتنفعه ليت
..........شيٍ جرا ماكان يطري ببالي
واليوم انا والشعر بيتٍ ورا بيت
..........اكتب له الاشعار لامن طرالي
احاول انسى والا انا !! ماتناسيت
..........تذكارهم له صورة في خيالي
دعاني التذكار للموعد وجيت
..........ابكي على الاطلال مما جرالي
ياجفن حان النوم وش فيك عييت !
............ياجفن مامليت سهر الليالي !!
موضوع: سهر الليالي 
الأربعاء أغسطس 12, 2009 7:07 pm
